香港新浪網 MySinaBlog
« 上一篇 | 下一篇 »
Dozy.第一桶金 | 25th Nov 2015 | 一般, 財富@投資世界 | (2009 Reads)
日前報章報導香港湧現「For Me族」…
這是一群追夢的年青人,辭掉工作、打散工、節衣縮食,不理家人及朋友反對,做自己喜歡做的事,兩個故事主角,一個熱愛旅行,夢想成為一個風景攝影師,一個熱愛唱歌,夢想成流行歌手...

報導全文:
http://hk.on.cc/hk/bkn/cnt/news/20151122/bkn-20151122033034560-1122_00822_001.html?refer=fn2

上一代人當然看不順眼!
記得兒時筆者寫「我的志願」夢想成為足球員,文章拿了高分,回家卻被老爸老媽罵得狗血淋頭,幾乎唔俾我踼波!冇計…當時家裡窮到褲穿窿,一家五口瞓一間房,講乜鬼理想?俾心機讀書,膨膨聲大學畢業出嚟搵份好工,幫補吓屋企啦,仲有兩個細佬要讀書!

今時唔同往日,社會富裕了…
很多做父母的,不但不需要子女供養,還有閒錢幫他們買樓,讓他們有自由選擇,如果你是其中之一,恭喜你,好好享受你的人生。不過唔係個個咁好彩,可以靠父幹,如果你冇呢個機會,唔需要埋怨,你要明白…他們有這個機會,不是天掉下來的,是因為他們的父母努力了半輩子,加上理財有道,讓他們來收成。覺得唔抵嗎?他們的父母可能同你一樣,日日為口奔馳。總要有人先付出,今天你付出了,你的下一代,或者你的後半輩子,就有選擇。

這就是所謂財務自由的境界了…
今天一般人的收入分兩部份,工作收入、投資收入。
財務自由唔一定要好有錢,例如你有幾層樓收租,個個月有三幾萬租金收入,足夠你日常生活,就算唔返工都唔會餓死,你就有權去任性了!很多人戴着有色眼鏡看投資者,認為他們斂財,其實很多時候,投資只是追夢的一部份而已。又有網友問…咁靠父幹又算唔算財務自由呢?當然算啦!你可以將「父母子女」視之為一個投資團隊,父母負責「財務」,子女享受「自由」而已,哈哈!

有能力的,追尋夢想,無可厚非。
未有能力的,有兩個選擇…
第一,趁年輕,先追夢,不過要有心理準備,期間會有經濟壓力,看能否闖出成績,如果到了30歲仍然未有成績,才回歸現實。筆者畢業之後在電視台工作了好幾年,曾經是追夢的文藝青年,哈哈!
第二,先努力賺錢,累積資產,到了30歲,開始有閒情、有閒錢,再重拾夢想。近年筆者與朋友搞了好幾檔小生意,有美容院、足球館、網站、密室逃脫、酒吧、教學中心、裝修公司等,有賺有蝕,壓力不大,因為本錢都是從投資、資產而來。
視乎你的夢想有沒有年齡限制,沒有必然的路。
如果你想做運動員,冇得講!一定係趁後生,如果你想創業,那就不妨先打好財務基礎,建立人脈網絡,累積經驗及知識後再行動,成功機會更高!
為自己而活,更需要學會投資、理財、財務自由。
賺錢、理想…不一定水火不融的!


★★★ 1% 廣告時間 - 地產投資實戰。免費講座!★★★
題目:入市機會重臨!苦等一年,終於調整,仲唔行動?
   2016 樓市點走?幾時撈底?住宅工商舖有乜策略?
   商舖價錢重返十年前!震驚價!三、四百萬街舖重現!
   一舖養三代?如何變身增值?我們鋪位三年倍升 ,點做?
   地鋪、樓上鋪、商場鋪...點揀?如何避免中招?
講者:商舖天后《女人煉金術》作者 Laura
日期:27/11(五)7~10pm  
地點:佐敦
留位:65330710-Cola、60980107-Icy(歡迎 Whatsapp)

About ME...
如果啱睇請加入 Facebook 群組「投資兵團」或讚好...
第一桶金專頁:www.facebook.com/anthony.wealth
第一桶金:http://anthony_chung_is.mysinablog.com

NEW!第一桶金信箱
如有關於物業的問題,歡迎到我的 Facebook,PM 給我!
1) 如果我識答,2) 如果不涉及太多課程內容,將盡量回覆。

免責聲明:本文純粹筆者個人意見,沒有促銷物業意圖。本人盡力確保資料正確,但不保證完全無誤,讀者須親身求證,參閱相關資料及售樓說明書,若有任何損失本人概不負責。

留言(0) | 引用(0) | 話題(地產)